Sadyr Japarov V Dúnıejúzilik kóshpendiler oıyndarynyń ashylý saltanatyna qatysady

ASTANA. KAZINFORM – Sadyr Japarov 8 qyrkúıekte V Dúnıejúzilik kóshpendiler oıyndarynyń ashylý saltanatyna qatysý úshin Astanaǵa keledi. Bul týraly Qyrǵyzstan  prezıdenti ákimshiliginiń syrtqy saıasat bóliminiń meńgerýshisi Muratbek Ázimbaqıev málimdedi, dep jazady Kabar agenttigi. 

«V Dúnıejúzilik kóshpendiler oıyndary Astana qalasynda 8-13 qyrkúıek aralyǵynda ótedi. Sporttyq is-sharaǵa 89 elden kelgen 3 myńnan asa sportshy qatysady», - dedi Muratbek Ázimbaqıev. 

Eske sala keteıik, qusbegilik saıysy Dúnıejúzilik kóshpendiler oıynyna alǵash ret qosylǵanyn jazǵan edik. Sondaı-aq atalǵan dúbirli dodada qytaı qazaqtary arasynan ártúrli salmaq boıynsha 8 balýan baq synaıdy. 

Aıta ketsek, Dúnıejúzilik kóshpendiler oıyndarynda tuńǵysh ret barlyq qurlyqtyń ókili baq synaıdy. Álemdik dodada sporttyń 21 túri boıynsha 97 medal jıyntyǵy sarapqa salynady.