22:30, 22 Jeltoqsan 2023 | GMT +6
Sadyr Japarov Qyrǵyzstan týyn ózgertýge baǵyttalǵan zańǵa qol qoıdy
Qyrǵyzstan Prezıdenti Sadyr Japarov «QR memlekettik rámizderi týraly» QR zańyna ózgerister men tolyqtyrýlar engizý týraly» 20 jeltoqsanda Jogorký Kenesh qabyldaǵan zańǵa qol qoıdy, dep habarlaıdy Kazinform Qyrǵyzstannyń Kabar agenttigine silteme jasap.
Zań Qyrǵyz Respýblıkasynyń eń basty rámizderiniń biri – el týyn jetildirýge baǵyttalǵan.
Jańa qabyldanǵan zań normalaryna sáıkes, Qyrǵyz Respýblıkasy týyndaǵy kún sáýleleriniń pishini ózgeredi.
Sondaı-aq qabyldanǵan zańǵa sáıkes, Memlekettik tý beınelengen resmı qujattar olardyń qoldaný merzimi aıaqtalǵansha kúshinde bolady. Al Memlekettik tý beınelengen kólikterdiń nómirleri men olardy tirkeý týraly kýálikter tıisti organnyń olardy almastyrý jónindegi sheshimi shyqqansha qoldanyla beredi.
