Sadyr Japarov Qyrǵyzstan prezıdenttigine óz kandıdatýrasyn usyndy
ASTANA. KAZINFORM — Qyrǵyzstan prezıdenti Sadyr Japarov aldaǵy prezıdent saılaýyna qatysý úshin Saılaý jáne referendýmdar jónindegi ortalyq komıssııaǵa resmı túrde ótinish berdi, dep habarlaıdy Kazinform agenttiginiń Bishkektegi menshikti tilshisi.
Japarov saılaýǵa ózin-ózi usynǵan kandıdat retinde tirkeldi.
2026 jyldyń 10 qarashasyndaǵy jaǵdaı boıynsha Ortalyq komıssııaǵa prezıdenttikke úmitkerlerden alty ótinish kelip túsken. Ótinishter 2026 jyldyń 13 qarashasyna deıin qabyldanady.
Buǵan deıin Japarov aldaǵy prezıdent saılaýynda myqty qarsylas shyǵatynyna senim bildirgen bolatyn.
Qyrǵyzstandaǵy kelesi prezıdent saılaýy 2027 jyldyń 27 qańtaryna josparlanǵan.
Qyrǵyzstan Ortalyq saılaý komıssııasynyń dereginshe, prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.
