Sadyr Japarov Qazaqstannyń Syrtqy ister mınıstrin qabyldady
BІShKEK. KAZINFORM – Qazaqstan Respýblıkasynyń Syrtqy ister mınıstri Ermek Kósherbaevtyń Bishkekke resmı sapary aıasynda ony Qyrǵyz Respýblıkasynyń Prezıdenti Sadyr Japarov qabyldady.
Kezdesý barysynda ózara qyzyǵýshylyq týdyratyn barlyq baǵyttar boıynsha ekijaqty yntymaqtastyqtyń ózekti máseleleri talqylanyp, ózara is-qımyldy odan ári keńeıtý áleýetiniń joǵary ekeni atap ótildi. Sondaı-aq halyqaralyq jáne óńirlik uıymdar aıasyndaǵy kópjaqty yntymaqtastyq máseleleri jóninde pikir almasylyp, halyqaralyq arenada kúsh-jigerdi úılestirýge daıyndyq rastaldy.
Sadyr Japarov Qyrǵyzstan men Qazaqstan arasyndaǵy qarym-qatynastar turaqty oń serpinge ıe ekenin aıtty.
– Búginde Qyrǵyzstan men Qazaqstan arasyndaǵy baılanystar naqty praktıkalyq mazmunmen tolyǵyp, memleketaralyq saıası dıalog joǵary jáne eń joǵary deńgeıde belsendi damyp keledi. Ortaq kúsh-jigerdiń nátıjesinde saýda-ınvestıtsııalyq, kólik-tranzıttik jáne sý-energetıkalyq baǵyttardaǵy mańyzdy jobalar júzege asyrylýda. Onyń ishinde Qambar-Ata JEO-1 qurylysy bar, – dedi Qyrǵyzstan basshysy.
Óz kezeginde Ermek Kósherbaev Qazaqstan Respýblıkasynyń Prezıdenti Qasym-Jomart Toqaevtyń atynan jyly lebizin jetkizip, joǵary jáne eń joǵary deńgeıde qol jetkizilgen ýaǵdalastyqtardyń oryndalý barysy týraly aqparat berdi.
– Qazaq-qyrǵyz qatynastary úlken áleýetke ıe, jańa sapaly mazmunmen tolyǵyp, jyl saıyn órleý jolymen damyp keledi. Eń aldymen, buǵan Sizdiń Prezıdent Qasym-Jomart Toqaevpen turaqty saıası dıalogyńyz yqpal etip otyr, – dedi mınıstr.
Sonymen qatar ol ekijaqty saýda-ekonomıkalyq baılanystardy odan ári keńeıtý Qazaqstan úshin strategııalyq mańyzǵa ıe ekenin atap ótti.
– Qazaqstan Qyrǵyzstannyń eń iri úsh saýda seriktesiniń qatarynda. Ózara taýar aınalymy 2 mlrd AQSh dollaryn qurady. Bul kórsetkishti 3 mlrd dollarǵa deıin ulǵaıtý mindeti qoıyldy, – dedi Ermek Kósherbaev.
Kezdesý sońynda taraptar eki eldiń kópjaqty formattardaǵy yntymaqtastyǵyna joǵary baǵa berip, óńirlik jáne halyqaralyq kún tártibindegi ózekti máselelerdi talqylady. Taraptar baýyrlas memleketter arasyndaǵy odaqtastyqty dáıekti túrde nyǵaıtý baǵytyna beıildiligin rastady.
Buǵan deıin Qazaqstan men Qyrǵyzstannyń syrtqy ister mınıstrleri arasynda kelissózder ótkendigi habarlanǵan bolatyn.