Sadyr Japarov Qazaqstanǵa resmı saparmen keledi
ASTANA. KAZINFORM – Qyrǵyz Respýblıkasynyń Prezıdenti Sadyr Japarov Qazaqstan Respýblıkasynyń Prezıdenti Qasym-Jomart Toqaevtyń shaqyrýymen 18-19 sáýirde Qazaqstanǵa keledi.
Qyrǵyz Respýblıkasy Prezıdenti Ákimshiliginiń syrtqy saıasat bóliminiń meńgerýshisi Muratbek Azymbakıevtiń aıtýynsha, sapar barysynda Sadyr Japarov Qazaqstan Prezıdenti Qasym-Jomart Toqaevpen ekijaqty kelissózder júrgizedi.
Taraptar ózara qyzyǵýshylyq týdyratyn barlyq saladaǵy ekijaqty yntymaqtastyqtyń ózekti máselelerin, sondaı-aq qyrǵyz-qazaq qatynastarynyń damý perspektıvalaryn talqylaıdy.
Sapar aıasynda Qyrǵyz Respýblıkasynyń Prezıdenti Sadyr Japarov Qyrǵyz Respýblıkasy men Qazaqstan Respýblıkasy Joǵary memleketaralyq keńesiniń altynshy otyrysyna qatysyp, Astanadaǵy Qyrǵyzstan batyry «Manasqa» arnalǵan eskertkishtiń ashylý saltanatyna qatysady.
Sapar aıasynda «Qyrǵyzstan – Qazaqstan» bıznes-forýmy, aqsaqaldar men shyǵarmashyl zııaly qaýym ókilderiniń dóńgelek ústeli, qyrǵyz-qazaq jastar forýmy jáne «Qyrǵyzstan-Qazaqstan» atty ǵalymdar forýmy sııaqty birqatar is-sharalardyń ótkiziletini aıtyldy.
