Sadyr Japarov Qazaqstan halqyn Konstıtýtsııalyq reformany sátti ótkizýimen quttyqtady
ASTANA. KAZINFORM – Joǵary Eýrazııalyq ekonomıkalyq keńestiń keńeıtilgen quramdaǵy otyrysynda Qyrǵyz Respýblıkasynyń Prezıdenti Sadyr Japarov Qazaqstan halqyn jańa Konstıtýtsııa qabyldaýymen quttyqtady.
- Qurmetti Qasym-Jomart Kemeluly Toqaevqa jáne Qazaqstan tarabyna búgingi is-sharany joǵary deńgeıde uıymdastyryp, ádettegideı jyly qabyldaǵany úshin alǵys bildiremin. Sizdi jáne Qazaqstan halqyn Konstıtýtsııa reformasyn sátti ótkizgenderińizben quttyqtaımyn! Bul túrlenýdiń bárin jan-jaqty qoldaımyz. Siz basshylyq etip otyrǵan elińiz Jańa Qazaqstandy qurý jónindegi maqsatynyń bárine jetetinine kámil senimdimiz, - dedi Qyrǵyz Respýblıkasynyń basshysy.
Sondaı-aq ol Eýrazııalyq ekonomıkalyq odaqtyń organdaryna Qazaqstan tóraǵalyq etip otyrǵan kezeń álemdegi ekonomıkalyq baılanystardyń jańa tásilderge kóship jatqan sátimen dóp kelgenin atap ótti.
Aıta keteıik, Astana qalasynda Qazaqstan tóraǵalyǵy aıasynda Joǵary Eýrazııalyq ekonomıkalyq keńestiń eki kúndik otyrysy ótip jatyr.
