Sadyr Japarov «Qazaqstan ǵarysh sapary» ulttyq ortalyǵynda boldy
ASTANA. KAZINFORM – Qyrǵyz Respýblıkasynyń Prezıdenti Sadyr Japarov Qazaqstan Respýblıkasyna resmı sapary barysynda «Qazaqstan ǵarysh sapary» ulttyq ǵarysh ortalyǵyna bardy, dep habarlaıdy Úkimettiń baspasóz qyzmeti.
Sapar barysynda Qazaqstannyń ǵaryshtyq jetistikteri men ǵarysh apparattaryn qurastyrý-synaý kesheniniń jumysymen tanysty.
Qazaqstandyq mamandar ǵarysh monıtorıngi salasyndaǵy jobalar týraly aıtyp, ǵarysh apparattardy qurastyrý kezeńderi men shyǵarylatyn komponentterdiń úlgilerin usyndy. Sonymen qatar ǵaryshqa ushyrý aldynda spýtnıkterdi synaqtan ótkizý jumystary júrgiziletin aýmaqtardy da aralap kórdi.
Ortalyqqa barǵan saparynda Qyrǵyzstan basshysy Sadyr Japarovpen birge Qazaqstan Premer-Mınıstri Oljas Bektenov júrdi. Sondaı-aq eki el arasyndaǵy ǵarysh salasyndaǵy seriktestikke de nazar aýdaryldy.
