Sadyr Japarov Azerbaijan Airlines ushaǵynyń apatqa ushyraýyna baılanysty kóńil aıtty
ASTANA. KAZINFORM – Qyrǵyz Respýblıkasynyń Prezıdenti Ázerbaıjan Respýblıkasynyń Prezıdenti Ilham Álıevke jedelhat joldady, dep habarlaıdy Kazinform Kabar.kg-ǵa silteme jasap.
Qyrǵyz Respýblıkasynyń Prezıdenti Sadyr Japarov Ázerbaıjan Respýblıkasynyń Prezıdenti Ilham Álıevke ázrbaıjan jolaýshylar ushaǵynyń apatqa ushyraýyna baılanysty kóńil aıtý jedelhatyn joldady.
— Búgin Ázerbaıjan jolaýshylar ushaǵynyń qaıǵyly apatqa ushyraýyn, sonyń saldarynan kóptegen adam shyǵyny týraly júregimdegi aýyr sezimmen bildim. Qyrǵyz Respýblıkasy halqynyń atynan jáne jeke óz atymnan qaza bolǵandardyń otbasylary men jaqyndaryna kóńil aıtamyn jáne osy qaıǵyly oqıǵadan zardap shekkenderdiń barlyǵynyń tezirek saýyǵyp ketýine tilektespin. Men orny tolmas qazanyń qaıǵysyna ortaqpyn, — delingen Qyrǵyz memleketi basshysynyń jedelhatynda.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.
Mańǵystaý oblysynyń densaýlyq saqtaý basqarmasy Aqtaýda Baký-Groznyı reısinde bolǵan ushaq apatynan zardap shekkender týraly aqparatty jańartty.
Memleket basshysy Ázerbaıjan Prezıdenti Ilham Álıevke kóńil aıtty.
Ázerbaıjan prezıdenti Ilham Álıev Reseı Federatsııasynyń prezıdenti Vladımır Pýtınge telefon soqty. Prezıdent Ilham Álıev telefon arqyly sóılesý barysynda AZAL jolaýshylar ushaǵynyń Aqtaýda apatqa ushyraýyna baılanysty Sankt-Peterbýrgte ótetin TMD-ǵa múshe memleketter basshylarynyń beıresmı sammıtine qatysa almaıtynyn aıtty.
Álıev Aqtaýdaǵy ushaq apaty saldarynan qaza tapqandardyń týystary men jaqyndaryna kóńil aıtty.
Sondaı-aq Sheshenstan Respýblıkasynyń basshysy Ramzan Kadyrov Aqtaý túbinde bolǵan ushaq apatynan qaza tapqandardyń týystaryna kóńil aıtty.
Kazinform úshin arnaıy Kabar.kg seriktes agenttigi usynǵan.