Sádibek Túgeldiń senimdi ókili Pavlodar jurtshylyǵymen kezdesti

NUR-SULTAN. QazAqparat - Prezıdenttikke úmitker Sádibek Túgeldiń senimdi ókili, jýrnalıst Ǵalııa Baltabaı Pavlodar jurtshylyǵymen kezdesti, dep habarlaıdy QazAqparat kandıdattyń baspasóz qyzmetine silteme jasap.

Pavlodar qalasyndaǵy Buqar jyraý atyndaǵy murajaıda ótken jıynda úmitker Sádibek Túgeldiń saılaýaldy platformasy talqylandy. Senimdi ókil Ǵalııa Baltabaı kezdesýge jınalǵan kópshilikti Sádibek Túgeldiń saılaýaldy baǵdarlamasymen jan-jaqty tanystyryp, suraqtaryna jaýap berdi.

Jınalǵandar aldynda «Saǵym jyldar» ansambli óner kórsetti. Al ansambldiń batagóı ájesi, Respýblıkalyq bata berýden ótken konkýrstyń jeńimpazy Baqytjamal Eleýkenova úmitkerge bata berip, aqjol tiledi.