Sádibek Túgeldiń senimdi ókilderi Taıynsha aýdanynda kezdesý ótkizdi

PETROPAVL. QazAqparat - QR Prezıdenttigine kandıdat Sádibek Túgeldiń senimdi ókilderi SQO Taıynsha aýdanynda kezdesý ótkizdi. Bul jóninde kandıdattyń baspasóz qyzmeti habarlady.

Aýdandyq balalar óner mektebinde ótken is-sharaǵa kitapxanashylar men aýdan turǵyndary qatysty. Kezdesýdi QR Prezıdenttigine kandıdat Sádibek Túgeldiń SQO saılaýaldy shtaby uıymdastyrdy. Kandıdattyń senimdi ókilderi Talǵat Janseıitov, Baqyt Muxamedraxımova, Bazargúl Úmbetovalar jınalǵandar aldynda sóz sóılep, Sádibek Túgeldiń saılaýaldy baǵdarlamasynyń negizgi baǵyttarymen tanystyrdy.

Sonymen qatar, kandıdattyń senimdi ókili, aqyn Baqyt Muxamedraxımova sóziniń sońyn arnaý óleńmen túıindedi.

Kezdesýge jınalǵandar shtab ókilderine kókeıdegi saýaldaryn qoıyp, ózderiniń oı-pikirin jetkizdi.