Sádibek Túgeldiń senimdi ókilderi Taldyqorǵanda baǵdarlamasyn tanystyrdy

NUR-SULTAN. QazAqparat - QR Prezıdenttigine úmitker Sədibek Túgeldiń Almaty oblysy boıynsha senimdi ókilderi ulttyq jəne at sporty túrlerinen sport mektebiniń ujymymen jáne qala turǵyndarymen kezdesti. Bul jóninde kandıdattyń baspasóz qyzmeti habarlady.

Shtab ókilderi úmitkerdiń saılaýaldy tuǵyrnamasyn tanystyryp, osy kúnge deıingi ótkizgen is sharalary jóninde esep berdi.

Óńirlik shtab jetekshisi Bahytgúl Qojabergenova shtab quramy, agıtatsııalyq materıaldar, atqarylyp jatqan jumystar jaıly jan-jaqty aıtyp berdi. Sondaı-aq, jıylǵan qaýymǵa Sədibek Túgeldiń saılaýaldy platfomasyn tanystyrdy. Baǵdarlamada basty nazar aýdarylǵan máseleler jóninde áńgimelep, qujattyń birqatar tustaryn ortaq talqyǵa saldy.

Basqosýda ulttyq sport túrlerin damytý máselesi de sóz boldy. Qatysýshylar shtab jetekshilerine ərtúrli suraqtar qoıyp, jaýap aldy.