Sádibek Túgel Jańaózen halqyna saılaýaldy baǵdarlamasyn tanystyrdy

JAŃAÓZEN. QazAqparat - Prezıdenttikke úmitker Sádibek Túgel Jańaózende qala turǵyndarymen kezdesti, dep habarlaıdy kandıdattyń baspasóz qyzmeti.

«Jastar shyǵarmashylyq ortalyǵynda» ótken kezdesýde prezıdentikke úmitker Sádibek Túgel saılaýaldy baǵdarlamasynyń negizgi baǵyttary jóninde baıandady.

Sonymen qatar, kezdesý barysynda Asqar Bahytjanov, Jansaıa Yntymaqqyzy syndy jastar QR Prezıdenttigine kandıdat Sádibek Túgeldiń saılaýaldy baǵdarlamasynda aıtylǵan negizgi baǵyttary jaıly óz pikirin jetkizdi.

Mańǵystaý jerindegi kezdesýlerden keıin QR Prezıdenttigine kandıdat Sádibek Túgel jáne onyń saılaýaldy shtabynyń belsendileri men senimdi ókilderi kıeli mekendegi áýlıelik dańqymen máshhúr Pir Bekettiń máńgilik damyl tapqan Oǵlandy shatqalyna bardy. Úsh júz alpys eki áýlıeniń mekenine aınalǵan Mańǵystaý dalasynyń bir qıyryndaǵy qasıetti orynǵa zııarat etip, duǵa baǵyshtady.

Eske sala keteıik, aldaǵy 9 maýsym kúni ótetin prezıdent saılaýyna 7 kandıdat qatysyp jatyr.