Sádibek Túgel Qabanbaı batyr aýylynda saılaýaldy baǵdarlamasyn tanystyrdy

KÓKShETAÝ. QazAqparat - QR Prezıdenttigine kandıdat Sádibek Túgel Aqmola oblysy Tselınograd aýdany Qabanbaı batyr aýylyndaǵy № 41 mektepte aýyl turǵyndarymen kezdesti. Bul týraly úmitkerdiń baspasóz qyzmeti habarlady.

Sádibek Túgel jınalǵan kópshilikke saılaýaldy baǵdarlamasynyń negizgi baǵyttaryn tanystyryp, ulttyq qundylyqtar jóninde sóz qozǵady. Ol baǵdarlamasynda kórsetilgen jas otbasylardyń áleýmettik jaǵdaıyn kóterý, aýyldy kórkeıtý, jumyssyzdyqty joıýǵa qatysty mindetterge toqtaldy.

Jıynda sonymen qatar, kandıdattyń senimdi ókilderi Bazargúl Úmbetova, Baqyt Muhamedrahımova, Kúlásh Moldahmetovalar sóz sóıledi. Budan keıin aýyl turǵyndary kókeıdegi suraqtaryn qoıdy.

Kezdesýden soń QR Prezıdenttigine kandıdat Sádibek Túgel jáne onyń senimdi ókilderi Qabanbaı batyr kesenesine zııarat etti.