Sádibek Túgel daryndy jýrnalısterdi eske alýǵa arnalǵan shyǵarmashylyq kesh uıymdastyrdy

NUR-SULTAN. QazAqparat -QR Prezıdenttigine kandıdat Sádibek Túgel 18 mamyrda elordadaǵy Halyqaralyq baspasóz ortalyǵynyń qurylǵanyna 20 jyl tolýyna baılanysty, sondaı-aq Nur-Sultan qalasynyń ósip-órkendeýine úles qosqan daryndy jýrnalısterdi eske alýǵa arnalǵan «Olardyń esimderi - bizdiń júregimizde» atty shyǵarmashylyq kesh uıymdastyrdy.

Aıta ketken jón, jýrnalıst-jazýshy Sádibek Túgel elordanyń alǵashqy qalyptasý tarıhynan bastap, kúni búginge deıingi 20 jyldan astam shejiresin birneshe kitaptaryna arqaý etken.

Kezdesý barysynda jastarǵa úlgi kórsetý maqsatynda aǵa býyn qalamgerlerdiń ómirlik estelikteri aıtyldy, QR Prezıdenttigine kandıdat Sádibek Túgeldiń saılaýaldy tuǵyrnamasy keńinen túsindirildi.

Eske sala keteıik, 9 maýsym kúni QR Prezıdentiniń saılaýy ótedi. Saılaýǵa resmı tirkelgen 7 kandıdat búginde saılaýaldy nasıhat jumystarymen aınalysýda.

Avtory: Álıhan Asqar