Saddam Hýseınniń týysy Tájikstan bıliginen saıası baspana surady
ASTANA. QazAqparat - Ózin Iraktyń burynǵy prezıdenti Saddam Hýseınniń týysy retinde ataǵan adam, Tájikstannan saıası baspana surady, dep habarlaıdy Interfaks agenttigi sol eldiń ishki ister mınıstrligine silteme jasap.
Ózin Abdýlla ıbn Ahmad ál Arabııa dep tanystyrǵan belgisiz memlekettiń azamaty aýǵan-tájik shekarasyn kesip ótip, tájik bıligi tarapynan saıası baspana suraǵan. «Eshqandaı da qujaty joq azamat ózin Iraktyń burynǵy prezıdenti Saddam Hýseınniń týysymen dep sanaıdy jáne Iraktyń búgingi bıligi tarapynan onyń izine túsýin negizge alyp, saıası baspana suraıdy», - delingen habarlamada.
Degenmen, aqparatta atalǵan azamat Irak eks-prezıdentiniń qandaı týysy ekendigi aıtylmaıdy. Tájikstan Іshki ister mınıstrliginiń málimetine qaraǵanda, shekarany kesip ótken ol azamat 1967 jyly týǵan, parsy jáne arab tilderinde jaqsy sóıleıdi.
«Tájikstan ІІM atalǵan azamattan alynǵan málimetterdi tekserýde, jáne tekserý nátıjeleri boıynsha saıası baspana berý nemese odan bas tartý týraly túpkilikti sheshim shyǵarmaq», - delingen taratylǵan aqparatta.
Eske sala keteıik, Irak prezıdenti S.Hýseın memleketti 1979 jyldan 2003 jylǵa deıin basqarǵan bolatyn. Ol Iraktyń Joǵarǵy qylmystyq trıbýnalynyń sheshimimen 2006 jyldyń 30 jeltoqsanynda darǵa asylǵan.
