Sadaq atýdan respýblıkalyq týrnırde qaraǵandylyq balalar eki altyn aldy
QARAǴANDY. QazAqparat – Qaraǵandyda ótken týrnırge Qazaqstannyń túrli qalalary men oblystarynan 150 sportshy jınaldy. 7 jastan 18 jasqa deıingi balalar ózderiniń mergendik ónerin pash etti, dep habarlaıdy QazAqparat tilshisi.
Ulttyq sport túrinen birinshilik tórt jas sanaty boıynsha ótti: 7-den 9-ǵa deıin, 10-nan 12-ge deıin, 13-ten 15-ke deıin jáne 16-dan 18 jasqa deıin.
Sonymen qatar, toptar uldar men qyzdarǵa bólindi.
Mergender úsh baǵytta jarysty. Jas sportshylar olımpıadalyq (fıto), túrik (pýto) jáne qazaq (jamby) nysanalaryna oq atty.
Mamandardyń aıtýynsha, sońǵysy eń qıyny boldy.
«Sadaq atý sońǵy 2-3 jylda jańadan qarqyn ala bastady. Búgin qatysýshylardyń sany kóp bolǵany qýantyp otyr. Qyzý shaıqastar 10-12 jas sanatyndaǵy jasóspirimder arasynda ótti. Balalar sportqa qyzyǵýshylyqpen barady. Kópshiliginde sadaqqa degen qushtarlyq bar. Olar qanshalyqty kóp jattyqsa, qulshynystary sonshalyqty kóbirek oıanady», - deıdi jarys tóreshisi, sadaq atýdan Qazaqstan chempıony Aıym Tilepbergen.
Jarys qorytyndysy boıynsha Almaty, Nur-Sultan qalalary men Mańǵystaý oblysynyń qatysýshylary eń kóp medal jeńip aldy.
Qaraǵandylyq sportshylar olarǵa jaqsy básekeles bola bildi. Osylaısha qorjynǵa eki altyn, bir kúmis jáne tórt qola medal jınady.
