18:18, 25 Aqpan 2024 | GMT +6
Sadaq atýdan mergenderimiz Baǵdatta qola júldege qol jetkizdi
ASTANA. KAZINFORM – Bul kúnderi Irak astanasy Baǵdatta sadaq atýdan Azııa kýbogynyń alǵashqy kezeńi ótip jatyr.
QR Sport jáne dene shynyqtyrý isteri komıteti málim etkendeı, búgin quralmaly sadaqpen (Compound bow) atýda Qazaqstan erler quramasy úshinshi orynǵa taban tiredi.
Júlde jolynda Akbaráli Qarabaev, Shámil Sagýtdınov pen Býned Mırzametov jarys qojaıyny Iraktyń komandasynan basym tústi. Esep: 227-215.
Erteń jarystyń sheshýshi kúni Olımpıada baǵdarlamasyna kiretin klassıkalyq sadaq atýdan jekeleı jáne komandalyq saıys ótedi.
Aıta keteıik, osyǵan deıin Shymkent qalasynda nysana kózdeýden «Altyn mergen» halyqaralyq týrnıri ótip jatqanyn jazǵan bolatynbyz.
