Sadaq atýdan Qazaqstan quramasy Azııa kýboginiń fınalyna shyqty
NUR-SULTAN. QazAqparat – Sadaq atýdan Qazaqstan erler quramasy Taılanda Azııa kýboginiń fınalyna joldama aldy, dep habarlaıdy QazAqparat Olympic.kz saıtyna silteme jasap.
Bul kúnderi Phýkette sadaq atýdan Azııa kýbogi ótip jatyr. Qazaqstan erler qurama komandasy klassıkalyq sadaq túrinen komandalyq jarystyń fınalyna shyqty. Otandastarymyz fınalda Úndistan quramasymen kezdesedi.
Qazaqstan quramasy sapynan Ilfat Abdýllın, Sanjar Musaev jáne Dáýletkeldi Jańbyrbaı baq synap jatyr.
Aıta ketsek, fınaldyq báseke 19 naýryz kúni ótedi.
