Sadaq atýdan Qazaqstan erler quramasy Olımpıadaǵa barady
Qazaqstandyq sportshylar 2024 jylǵy Parıj Olımmpıadasyna on ekinshi joldamaǵa ıe boldy. Mundaı múmkindikke sadaq atýdan erler quramasy qol jetkizdi, dep habarlaıdy Kazinform.
Taıland astanasy Bangkok qalasynda ótken sadaq atýdan Azııa chempıonatynda olımpıadalyq sadaq atýdan elimizdiń erler quramasy kúmis júldeger boldy. Nátıjesinde Parıj Olımpıadasynyń lıtsenzııasyna qol jetkizdi.
Bedeldi básekede el quramasy sapynda Ilfat Abdýllın, Dáýletkeldi Jańbyrbaı men Aleksandr Eremenko synǵa tústi. Ulttyq qurama fınalǵa deıin Japonııa, Úndistan jáne Qytaıdyń Taıbeı quramasyn artta qaldyryp ketti.
Qazaqstan byltyr Olımpııa oıyndaryna irikteý júıesi jańartylǵan soń, joldamaǵa ıelik etken alǵashqy el atandy. Sebebi qurlyq chempıony atanǵan Ońtústik Koreıa sportshylary buǵan deıin Hanchjoýdaǵy Azııa oıyndarynda Olımpıada joldamasyn jeńip alǵan edi.
Aıta keteıik, qazaqstandyq mergender 1996 jyldan beri Jazǵy Olımpıadadan syrt qalǵan emes. Al Tokıo Olımpıadasynda erler quramasy tolyq quramda baq synady.
Eske salsaq, budan buryn 2028 jylǵy Jazǵy Olımpıada baǵdarlamasyna 5 oıyn túri engizildi.
