Sadaq atýdan Álem chempıonatyna qatysatyn mergender anyqtaldy
NUR-SULTAN. QazAqparat - Sadaq atýdan Qazaqstan komandasy Álem chempıonatyna daıyndyqty bastady. 28 mamyrdan bastap Ulttyq qurama músheleri Talǵar qalasyndaǵy AІVA akademııasynyń bazasynda oqý-jattyǵý jıynyn ótkizedi, dep habarlaıdy QazAqparat.
QR Ulttyq Olımpıadalyq komıtetinen málim etkendeı, komanda músheleri 6-17 maýsym aralyǵynda Nıderlandtyń Hertogenbos qalasynda ótetin Álem chempıonatyna daıyndalmaq.
Ulttyq qurama lıtsenzııalyq Álem chempıonatyna qatysatyn mergender tizimin jarııa etti.
Klassıkalyq túrde sadaq atý, erler: Ilfat Abdýllın, Denıs Gankın, Sanjar Musaev;
Klassıkalyq túrde sadaq atý, áıelder: Alına Ilıasova, Gaýhar Igibaeva, Qarakóz Asqarova;
Kompaýnd, erler: Aqbaráli Qarabaev, Rýstam Qarabaev, Sergeı Hrıstıch;
Kompaýnd, áıelder: Dıana Makarchýk, Adel Jeksenbınova, Marııa Ómirzaqova.
