Sadaq atý: Qazaqstan komandasynyń sportshylary 3 fınalda synǵa túsedi
ASTANA.KAZINFORM – Taıland Koroldiginiń astanasy Bangkokta sadaq atýdan Azııa kýbogynyń 1-kezeńi ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Іrikteý kezeńi nátıjesinde Qazaqstan Ulttyq komandasynyń enshisinde komandalyq synnyń 3 fınaly bar. Atap aıtqanda, blokty sadaqtan Qazaqstan áıelder komandasy (Vıktorııa Lıan, Roksana ıÝnýsova men Dıana ıÝnýsova) aqtyq synda Úndistanmen sheberlik baıqasady.
Sonymen qatar klassıkalyq sadaq atý dıstsıplınasynda Qazaqstan erler komandasy (Ilfat Abdýllın, Dastan Kárimov, Dáýletkeldi Jańbyrbaı) men Qazaqstan áıelder quramasy (Dıana Tursynbek, Samıra Jumaǵulova, Aleksandra Zemlıanova) bas júldege talasady.
Jekeleı synda qazaq sportshylary aqtyq synǵa joldama ala almady.
Aıta keteıik, fınaldar 27 naýryzǵa josparlanǵan. Al erteń aralas komandalyq saıystan jarys ótedi.
Elordada ótetin FIFA Series 2026 týrnırine tóreshiler taǵaıyndaldy.
