Sadaq atý: Qazaqstan áıelder quramasy tarıhı júldege qol jetkizdi

ASTANA. KAZINFORM – Qytaıdyń Shanhaı qalasynda sadaq atýdan ótip jatqan álem kýbogynyń alǵashqy kezeńiniń birinshi jarys kúni qazaqstandyq áıelder quramasy bloktik saıys boıynsha qola júldege qol jetkizdi. 

Bul sadaq atýdan Qazaqstan áıelder quramasynyń álem kýbogi kezeńderinde jeńip alǵan alǵashqy júldesi. Buǵan deıin bizdiń komanda kýboktik syndardan múlde medal almaǵan.

Jarystaǵy joly:
1/4 fınal
Qazaqstan - Ońtústik Koreıa 234:230

Ońtústik Koreıa Tokıo Olımpıadasynda chempıon atanǵan. Biraq bul quramdaǵy sportshylar emes.
1/2 fınal
Qazaqstan - Italııa 227:227 (28:29)

3-oryn úshin talas
Qazaqstan - Estonııa 231:224

Adel Jeksenbınova
Vıktorııa Lıan
Aıjan Seıdahmetova.

Atalǵan doda 28 sáýirde máresine jetedi. Jalpy álemdik dodaǵa Qazaqstan sapynan 16 sportshy qatysyp jatyr.

Osyǵan deıin atalǵan synda el namysyn kimder qorǵaıtynyn jazǵan bolatynbyz.