Sablıamen semserlesýden Qazaqstan komandasy qola medal enshiledi

ASTANA. KAZINFORM – Sablıamen semserlesýden Qazaqstan komandasy Kýveıtte ótip jatqan Azııa birinshiliginiń qola júldegeri atandy. 

Ulttyq olımpıadalyq komıtettiń málimetinshe, qazaqstandyqtar komandalyq synda úzdik úshtikke endi.

Týrnırdiń negizgi aınalymynda otandastarymyz Ózbekstan men Japonııany qapy qaldyryp, jartylaı fınalda Iranǵa ese jibergen. Osylaısha, Baqdáýlet Quralbekuly, Artem Sarkasıan, Sattarhan Nazarbaı jáne Janat Nábıev tórttigi qurlyqtyq dodanyń qola júldesine ıe boldy. 

Aıta keteıik, buǵan deıin Erlik Sertaı erler shpagasynan qola medal jeńip alǵan bolatyn.