Sábizdiń paıdasy: densaýlyq pen sulýlyq
ASTANA. QazAqparat - Sábiz - umytylǵan sulýlyq pen uzaq ómir súrýdiń syry. Sábizdiń quramynda karotın óte kóp. Ol aǵzaǵa túskende A dárýmenine aınalady. Sondaı-aq, S, V, D, E dárýmenderine jáne mıkroelementterge óte baı. Sábizdiń quramynda: kalıı, kaltsıı, marganets, temir, fosfor, magnıı bar.
- Sábizdi emdik maqsatta shıkileı nemese shyrynyn paıdalanady. Sábiz aǵzaǵa barlyq jaǵynan paıdaly.
- Sábiz shyryny jáne úgitilgen sábiz aǵzany qalypqa keltirýge áser etedi. Olar qandy tazartyp, ýly jáne zııandy zattardy aǵzadan joıady. Zat almasýdy qalypqa keltirip, ishki aǵzalardyń belsendiligin arttyrady. Avıtamınoz jáne anemııa kezinde sábizdi jıi tutyný paıdaly.
- Sábiz shyryny búırek jáne baýyr jumysy buzylǵan jaǵdaıda paıdaly bolyp tabylady, búırektegi qum jáne shaǵyn tastardy joıýǵa yqpal etip, baýyrdy tazalaıdy.
- Halyq medıtsınasynda úgitilgen sábizben shyrynyn kúıgen jerlerge, irińdi jaralarǵa qoıady.
- Sábiz kóz aýrýlarynda, joǵarǵy tynys joldarynyń aýrýlary, aýyz qýysynyń qabynýy, stomatıtti emdeý kezinde paıdalanady.
- «Sulýlyq dárýmeni» dep atalatyn A dárýmeni, tabıǵı kosmetıka úshin sábizdiń mańyzdy quramy. Eger siz turaqty túrde sábiz shyrynyn iship júrseńiz, onda sizdiń júzińiz jasarady.
- Sábizden kosmetıkalyq maqsattarda maska jasap, syrtqy qoldanýǵa bolady. Moıynǵa jáne betke arnalǵan mynadaı maskalar jasaýǵa bolady.
- Teriniń barlyq túrine qoldanýǵa bolady (maskany 20 mınýt ustap, jyly sýmen shaıyp tastaý qajet)
3 qyzǵylt sábizdi úgitip, kartop unyn nemese kartop ezbesin qosyńyz, ½ jumyrtqa sarysyn qosyp aralastyryńyz. Maska daıyn.
1 úgitilgen sábizge 1 as qasyq sút qosyńyz. Maska daıyn.
2 úgitilgen sábiz, 1 jumyrtqanyń sarysy, azdap ósimdik maıyn tamyzyńyz. Maska daıyn.
- Shashtyń baıaý ósýi kezinde sábiz jáne lımon shyryndarynyń qospasy shashtyń tez ósýine jaqsy áser etedi.
Eger siz, salaýatty, ádemi jáne jigerli bolǵyńyz kelse kóp sábiz jeńiz, dep jazady anabol.kz.
