Sábıt Orazbaev І dárejeli «Barys» ordenimen marapattaldy

ALMATY. QazAqparat- QR Memlekettik hatshysy Qyrymbek Kósherbaev Qazaqstannyń halyq artısi, Memlekettik syılyqtyń laýreaty, M.Áýezov atyndaǵy Qazaq ulttyq akademııalyq drama teatrynyń akteri Sábıt Orazbaevqa І dárejeli «Barys» ordenin saltanatty túrde tabys etti, dep habarlaıdy QazAqparat tilshisi.

Bul mártebeli marapatqa tanymal akter mádenıetti damytýdaǵy aıryqsha úlesi, belsendi qoǵamdyq qyzmeti úshin Qazaqstan Respýblıkasynyń Prezıdenti Q.K.Toqaevtyń Jarlyǵymen ıelendi.

Saltanatty tapsyrý rásiminde Memlekettik hatshy sondaı-aq Sábıt Orazbaevty 85 jasqa tolǵan belesine oraı izgi tilegin jetkizip, Tuńǵysh Prezıdent - Elbasy N.Á.Nazarbaevtyń jáne Memleket basshysy Q.K.Toqaevtyń mereıtoı ıesine joldaǵan quttyqtaýlaryn oqyp berdi.

Sábıt Orazbaev – sanaly ǵumyryn teatr sahnasyna arnaǵan daryndy akter. Jarty ǵasyrlyq akterlik qyzmetinde ol qazaq jáne álemdik klassıkalyq, zamanaýı dramatýrgııadan 100-den asa dramalyq rólde oınady.

Shyǵarmashylyq jolyn komedııa janrynda bastap, «Bóltirik bórik astynda», «Qudalar keldi», «Beý, qyzdar-aı» spektaklderinde sheberligimen erekshelenip, Ǵ.Músirepovtyń «Qozy Kópesh – Baıan Sulý», A.Chehovtyń «Vanıa aǵaıynda» jarqyn beınelerdi somdady.

«Eńbegimizdi baǵalap jatqandaryńyzǵa rahmet. Qazaqstan degen elde, jerde,týǵan-týystarymyzdyń ortamyzda aman esen júrgenimizge shúkir»,-dedi Sábıt Orazbaev.

Sondaı-aq memlekettik hatshy «Nomad Stunts» kaskaderlik tobynyń jetekshisi Jaıdarbek Kúnǵojınovpen kezdesip, belgili qazaqstandyq kaskaderdi Dúnıejúzilik kaskaderler akademııasynyń (AQSh) bedeldi «Taurus» syılyǵymen marapattalýymen quttyqtady.

Q. Kósherbaev bul bedeldi halyqaralyq marapattyń Qazaqstan kaskaderleriniń joǵarǵy sheberligin moıyndaǵany ǵana emes, qazaqstandyq mádenıet pen kıno ónerine qosqan zor úlesi ekenin atap ótti.

Óz kezeginde Mádenıet jáne sport mınıstri Aqtoty Raıymqulova Jaıdarbek Kúnǵojınovke «Mádenıet salasynyń úzdigi» medalin tabys etti.

«Otandyq dıstrıbýtsııa tarıhynda sátti shyqqan qazaqstandyq tolyqmetrajdy tarıhı kınotýyndy - «Tomırıs» kartınasy. 2019 jyldyń qyrkúıek aıyndaǵy fılmniń tusaýkeserinen keıin atalǵan kınokartına Qazaqstannyń kınoteatraldy prokatynda kósh bastady. «Tomırıs» kórkem fılmi búkil álem kórermenderiniń kóńilinen shyǵyp jatyr. Qazirdiń ózinde kartınany kórsetý quqyǵyn Amerıka, Túrkııa, Italııa, Ispanııa, Japonııa, Taıaý Shyǵys, Ońtústik Koreıa, TMD, Sıngapýr, Rýmynııa jáne Frantsııa sııaqty elderdiń dıstrıbıýtorlary alyp úlgerdi. Nomad Stunts tobyn jáne onyń jetekshisi Jaıdarbek Kúnǵojınovty osy úlken jetistikpen ári «Mádenıet salasynyń úzdigi» medalimen quttyqtaımyn jáne úlken jeńister tileımin»- dedi mınıstr.