Sábıt Dúısekenov Mańǵystaýdyń aýyl sharýashylyǵy basqarmasyna jetekshilik etedi

ASTANA. KAZINFORM — Mańǵystaý oblysynyń ákimi Nurdáýlet Qılybaıdyń ókimimen oblystyq aýyl sharýashylyǵy jáne jer qatynastary basqarmasynyń basshysy bolyp Sábıt Dúısekenov taǵaıyndaldy, dep habarlaıdy oblys ákiminiń baspasóz qyzmeti.

Sábıt Dúısekenov 1987 jyly dúnıege kelgen. Bilimi joǵary. 2012 jyly Jáńgir han atyndaǵy Batys Qazaqstan agrarlyq-tehnıkalyq ýnıversıtetin, 2014 jyly M.Ótemisov atyndaǵy Batys Qazaqstan memlekettik ýnıversıtetin támamdaǵan.

Eńbek jolyn 2012 jyly Mańǵystaý oblysyndaǵy QR Aýyl sharýashylyǵy mınıstrligi Orman jáne janýarlar dúnıesi komıtetiniń «Ohotzooprom ÓB» RMQK «Kendirli Qaıasan» memlekettik qoryǵynyń kúzet qyzmetiniń bastyǵy qyzmetinen bastady.

2014 jyly «Ohotzooprom ÓB» RMQK Batys óńirlik fılıalynyń dırektory bolyp taǵaıyndaldy.

Al 2017 jyly «Kendirli Qaıasan» Memlekettik qoryq aýmaǵynyń kúzet qyzmetiniń basshysy, «Ohotzooprom ÓB» RMQK Oral óńirlik fılıalynyń basshysy, sondaı-aq, QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Oral óńirlik fılıalynyń basshysy qyzmetterin atqardy.

2017 jáne 2023 jyldar aralyǵynda QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Aqtóbe óńirlik fılıalynyń basshysy bolyp jumys jasaǵan.

2023 jyly Aqtóbe oblysy Qobda aýdany ákiminiń orynbasary, sondaı-aq, «Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasy» MM basshysy qyzmetterin atqardy.

Osy kúnge deıin Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy boldy. 

Budan buryn habarlanǵandaı, Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy bolyp Ásel Balmanova taǵaıyndaldy.