Sabyrjan Aqqalyqov Ulan-Batyrdaǵy Azııa chempıonatynyń shırek fınalynda jeńiske jetti
ASTANA. KAZINFORM – Qazaqstandyq boksshy Sabyrjan Aqqalyqov Ulan-Batyr qalasynda (Mońǵolııa) ótip jatqan Azııa chempıonatynyń shırek fınalynda jeńiske jetti.
Otandasymyz 75 kelige deıingi salmaqtyń 1/4 fınalynda japonııalyq Taıga ıAgımen judyryqtasty.
Sabyrjan úsh raýnd boıy qarsylasyn qyspaqqa aldy. Nátıjesinde aıqyn basymdyqpen jeńiske jetti. Osylaısha ol kem degende qola medaldi ózine qamtamasyz etti.
Aıta keteıik, Áıgerim Sáttibaeva (48 kelige deıin) jartylaı fınalǵa ótken bolatyn. Al Uljan Sársenbek (57 kelige deıin) jarys jolyn aıaqtady.
Buǵan deıin Áıgerim Sáttibaeva Azııa chempıonatynyń jartylaı fınalyna shyqqanyn jazǵanbyz.
