Sabyrjan Aqqalyqov Mońǵolııadaǵy Azııa chempıonatynda altyn aldy
ASTANA. KAZINFORM – Qazaqstandyq boksshy Sabyrjan Aqqalyqov Mońǵolııanyń Ulan-Batyr qalasynda ótken Azııa chempıonatynyń fınalynda jeńiske jetti.
Otandasymyz 75 kelige deıingi salmaq dárejesinde ózbekstandyq Javohır Abdýrahımovpen judyryqtasty.
Birinshi raýndta Sabyrjan 4:1 esebimen alǵa shyqty. Ekinshi jáne úshinshi raýndtarda da basymdyǵyn saqtap, tóreshilerdiń sheshimimen 5:0 esebimen jeńiske qol jetkizdi.
Endi el quramasynan 8-jupta Nurbek Oralbaı (85 keli) ózbekstandyq Jasýrbek ıÝldoshevpen sharshy alańǵa shyǵady. Sondaı-aq 10-jupta Aıbek Oralbaı (90 keliden joǵary) qytaılyq Danabek Baıkenjemen kezdesedi.
Aıta keteıik, buǵan deıin Orazbek Asylqulov (60 kelige deıin) altyn alsa, Tórehan Sabyrhan (70 kelige deıin) kúmisten alqa taqty.
