Sabyrjan Aqqalyqov bokstan álem chempıonatynda qarsylasyn nokaýtqa jiberdi

ASTANA. KAZINFORM — Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótip jatqan álem chempıonatynda búgin, 6 jeltoqsanda el quramasynan Sabyrjan Aqqalyqov (75 keli) alǵashqy jekpe-jeginde jeńiske jetti.

Otandasymyz Seıshel araldarynan kelgen Djoshýa Aaron Kýzınmen qolǵap túıistirdi. Jekpe-jek barysynda qazaqstandyq boksshynyń basymdyǵy baıqaldy. Nátıjesinde ekinshi raýndta ol qarsylasyn nokaýtpen tize búktirdi.

Endi keshki sessııada elimizdiń atynan Danııal Sábıt (51 keli) kenııalyq Kelvın Maınamen kezdesse, dál sol ýaqytta basqa rıngte Sáken Bıbosynov (54 keli) brazılııalyq Katego Keorapetsemen sheberlik baıqasady.

Bul kúni el quramasynan sońǵy jekpe-jekti Serik Temirjanov (60 keli) mońǵolııalyq Erdenebatyn Tsendbaatarǵa qarsy ótkizedi.

Aıta ketsek, qazirge deıin otandastarymyz arasynan Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jarysty jalǵastyrýǵa múmkindik aldy.