Sabyrjan Aqqalyqov álem kýbogyn aıaqtady
ASTANA. KAZINFORM – Qytaıdyń Gýııan qalasynda ótip jatqan World Boxing aıasyndaǵy álem kýbogynda Qazaqstan quramasynyń boksshysy Sabyrjan Aqqalyqov 1/8 fınaldyq jekpe-jegin ótkizdi.
Álem chempıonatynyń kúmis júldegeri, 80 kelige kóterilgen Sabyrjan Aqqalyqov 1/8 fınalda osy salmaqtyń kóshbasshysy Javohır Ýmmatalıevpen (Ózbekstan) kúsh baıqasty.
3 raýnd boıy joǵary qarqynda ótken jekpe-jekte tóreshiler 3:2 esebimen qarsylasqa jeńisti berdi.
Aıta keteıik, álem chempıony, 70 kelidegi tájirıbeli boksshylardyń biri sanalatyn Abylaıhan Júsipov 1/8 fınalda ótken álem kýbogynyń fınalısi Kaıan Reıespen (Brazılııa) judyryqtasty.
Otandasymyz alǵashqy raýndtan jekpe-jekti tolyqtaı óz baqylaýynda ustap, 4:1 esebimen basym tústi.
Qytaıdyń Gýııan qalasynda ótip jatqan álem kýbogynyń ekinshi kúni, 17 maýsymda qazaqstandyq 3 boksshy sharshy alańǵa shyǵatynyn jazǵan edik.
