Sabyrjan Aqqalyqov álem chempıonaty fınalynda baq synaıdy

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda bir boksshy fınalǵa ótip, bireýi qola júldeger atandy.

Dúnıejúzilik dodada Sabyrjan Aqqalyqov (75 keli) eshqandaı jekpe-jek ótkizbesten fınalǵa joldama aldy. Onyń jartylaı fınaldaǵy qarsylasy ózbekstandyq Fazlıddın Erkınboev jarysty jalǵastyra almaıtyny belgili boldy. Sondyqtan otandasymyz endi fınalda baq synaıdy.

Aıta ketsek, ol budan buryn shırek fınalda ızraıldik Mıroslav Kapýler-Işchenkony nokdaýn jáne nokaýtqa túsirdi. Nátıjesinde jartylaı fınalǵa berilgen joldamaǵa qol jetkizgen edi.

Sabyrjan Aqqalyqov 2002 jyly Almaty oblysynda dúnıege kelgen. Ol 2021 jyly jasóspirimder arasynda álem chempıony ataǵyn jeńip alǵan edi. Sondaı-aq búgin el quramasynan Temirtas Júsipov (48 keli) jartylaı fınalda reseılik Edmond Hýdoıanǵa ese jiberip, qola júldeni qanaǵat tutty.

Endi qazaqstandyq boksshylar arasynan Sáken Bıbosynov (54 keli), Orazbek Asylqulov (57 keli), Ertýǵan Zeınýllınov (63,5 keli), Sabyrjan Aqqalyqov (75 keli), Abylaıhan Júsipov (71 keli) sharshy alańǵa shyǵady.