Sábıra Maıqanova úshin arnaıy jazylǵan «Muragerler» qoıylymyn teatr qaıta sahnalaıdy
ALMATY. Naýryzdyń 19-y. QazAqparat /Erlik Erjanuly/ - Almatyda naýryzdyń 21-i kúni Qazaqtyń Muhtar Áýezov atyndaǵy akademııalyq drama teatrynda Dýlat Isabekovtiń «Muragerler» dramasynyń premerasy bolady,
dep habarlaıdy QazAqparat.
Qoıylymnyń qoıýshy-rejısserleri Qazaqstannyń eńbek sińirgen qaıratkerleri Orazhan Kenebaev pen Baqtııar Qoja. Al qoıýshy sýretshisi Erik Ádisbek. Adamgershilik, ımandylyq máselelerin kóteretin bul pesa QazKSR-niń jáne KSRO-nyń halyq ártisi, Memlekettik syılyqtyń ıegeri Sábıra Maıqanova úshin arnaıy jazylǵan. Drama teatry ony alǵash ret sahna sheberiniń 70 jyldyq mereıtoıy qarsańynda 1983 jyly qańtardyń 29-ynda qoıǵan bolatyn.
