Sabına Altynbekovanyń sýreti 7-synyptyń oqýlyǵynda júr
ASTANA. QazAqparat - Qazaqstandaǵy sportshy qyzdardyń arasynda elge keńinen tanylǵan Sabına Altynbekovanyń sýreti 7-synypqa arnalǵan orys tili kitabynyń ishinde júr.
Dına Ibraeva esimdi azamatsha áleýmettik jelidegi jeke paraqshasyna oqýlyqtyń betin sýretke túsirip salǵan. Onyń aıtýynsha, kitap «Atamura» baspasynan shyqqan.
«7-synypta oqıtyn jıenimniń orys tili kitabynda Sabına Altynbekovanyń sýreti júr. «Sulýlyq, anıme, follover, ınstagram...Qazirgi orys tiliniń oqýlyǵy osyndaı sózdermen tolyǵypty»,-dep jazǵan Dına Ibraeva.
Aıta keteıik, voleıboldan 17-shi Azııa chempıonaty ótip jatqan kezde Qytaıdyń BAQ-tary Sabına Altynbekovanyń sulýlyǵyn jarysa jazǵan edi. Osylaısha, qazaq qyzy álemdegi eń sulý sportshylardyń reıtıngisine endi. Onyń kelbeti ásirese shyǵys jáne ońtústik-shyǵys halqyn tamsandyrdy. Qazir Altynbekovanyń Instagram paraqshasynda 608 myń tirkelýshi bar.
