Sábılerdiń týý týraly kýáligin alý formaty jeńildedi

ASTANA. QazAqparat – Azamattyq hal-aktilerin jazý (AHAJ) júıesi boıynsha bala týý týraly kýálik qyzmetterin kórsetý rásimderin endi AHAJ-ǵa kelmeı-aq, «elektrondyq úkimet» portalyn nemese ekinshi deńgeıdegi bankterdiń (Kaspi jáne Halyk bank) mobıldik qosymshalaryn paıdalaný arqyly alýǵa bolady.

Bul týraly Ádilet mınıstri Qanat Mýsın málim etti.

«Qazir týý týraly kýálikti qalyptastyrý avtomatty rejımde júredi. Perzenthanadan balany týý týraly anyqtama AHAJ júıesine tikeleı beriledi. Osydan keıin qujat jasalyp, ata-analary balanyń týýyna baılanysty quttyqtaýmen, balanyń atyn ataýdy ótingen sms- habarlama alady. Habarlamaǵa jaýap sms jiberilgen soń, týý týraly kýálik rásimdeledi. Qujatty AHAJ-dan qaǵaz túrinde nemese telefonǵa elektrondyq túrde alýǵa bolady»,-deıdi mınıstr.