Sábıler ólimi kóbeıip tur - Memleket basshysy

NUR-SULTAN. QazAqparat – Úkimettiń basty mindetiniń biri – ana men balanyń densaýlyǵyn saqtaý. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Úkimettiń basty mindetiniń biri – ana men balanyń densaýlyǵyn saqtaý. Ókinishke qaraı, sábılerdiń ólimi kóbeıdi. Ana ólimi de ósýde. Men perınataldyq qyzmettiń jaı-kúıin tekserýge tapsyrma berdim. Onyń qorytyndysy boıynsha tıisti sharalar qabyldanýy kerek edi. Biraq, barlyq jumys aýdıt deńgeıinde toqtap qaldy», - dedi Qasym-Jomart Toqaev.

Memleket basshysynyń atap ótýinshe, qazirgi perzenthanalardyń kóbi halyqaralyq standarttarǵa saı emes.

«Sondyqtan shuǵyl sharalar qabyldap, osy máseleni sheshý qajet», - dedi Qazaqstan Prezıdenti.

Eske salsaq, Ulttyq statıstıka bıýrosy málim etkendeı, bıylǵy bes aıda elimizde 1 384 náreste shetinegen .