Sabılıanov kvazımemlekettik sektordaǵy qomaqty qaldyq qarajatqa shúılikti
ASTANA. QazAqparat - Májilis depýtaty Nurtaı Sabılıanov kvazımemlekettik sektordyń jarǵylyq kapıtalynda ıgerilmegen qarjyǵa naryzylyǵyn bildirdi, dep habarlaıdy QazAqparat.
«Qazirgi tańda kvazımemlekettik sektordyń jarǵylyqty kapıtalyna qomaqty qarjy jumsalyp jatyr. Aqshany alady da, eshqaıda jumsamaıdy, ıaǵnı ne ekonomıkany damytpaıdy, ne basqa da sharalardy atqarmaıdy. Osy oraıda jospar oryndalmaıdy. 2016 jyly kvazımemlekettik sektordyń jarǵylyqty kapıtalyn qalyptastyrýǵa 323 mlrd. teńge bıýdjetten qarjy jumsaldy. Al paıdalanylmaǵan qaldyq 113 mlrd. teńgeni qurady. Ne sebepten osynshama qomaqty qaldyq qalyp, aqsha jumsalmaı otyr? Nege jaýapkershilik joq? Óıtkeni osy qarjyǵa búkil Qazaqstandaǵy sýmen jabdyqtaý jobalaryn qarjylandyrýǵa bolady»,-dedi depýtat Nurtaı Sabılıanov QR Parlamenti Májilisinde Úkimettiń 2016 jylǵa respýblıkalyq bıýdjettiń atqarylýy týraly eseptiń tanystyrylymynda.
Óz kezeginde depýtattyń saýalyna QR Qarjy mınıstri Baqyt Sultanov jaýap berdi.
«Shottarda qaldyqtardyń kóbeıýi týraly biraz syn aıtylǵan bolatyn. Sondyqtan bıýdjettiń zańnamaǵa tıisti ózgeristerdiń engizilýinen, jarǵylyq kapıtalǵa berilgen qarajat ary qaraı ıgerilýi tolyqtaı repýblıkalyq bıýdjette ınvestıtsııalyq jobalardy ıgergen kezdegi tásildermen kvazımemlekettik sektorǵa da qoldanylady. Sondyqtan qarjy arnaıy shottarda qalady, tek qana smetalyq-jobalaý qujattaryn bergennen keıin, jumystardy oryndaǵan soń osy shottardan qarajat kommertsııalyq shottarǵa jiberiledi. Osy oraıda olarda bul úderis tártipke kelip jatyr. Aldaǵy ýaqytta biz basqa ustanymdarǵa kóshýimiz kerek bolady. Memlekettik-jekemenshik seriktestik ustanymdaryna jaqyndaǵan saıyn kvazımemlekettik sektordyń kapıtalyna berý azaıa túsedi»,-dedi mınıstr.
