Sábıin urǵan qazaqstandyq áıeldiń vıdeosy Qytaı saqshylaryn aıaǵynan tik turǵyzdy
ASTANA. QazAqpart - Qazaqstanda sábıdi aıaýsyz urǵan áıeldi Gonkong saqshylary izdep jatyr, dep habarlaıdy QazAqparat tilshisi.
Instagram áleýmettik jelisinde taraǵan atyshýly beınejazba sheteldik BAQ-tyń nazaryn aýdardy. Ol Gonkong jáne Qytaıdyń áleýmettik jelilerinde keńinen taralyp, jurttyń ashý-yzasyn týdyrdy. Gonkongtyń https://hk.apple.nextmedia.com saıtyndaǵy jazbaǵa negizdelsek, oqıǵany óz elinde bolyp jatqan jaǵdaı dep bilgen jeli qoldanýshylary jerligikti quqyq qorǵaý organdaryna áıeldi taýyp, jazalaýyn suraǵan. Osyǵan oraı Gonkong saqshylary áıelge izdeý jarııalaǵany týraly málimdedi.
Keınirek, Qytaıdyń quqyq qorǵaý organdary vıdeodaǵy oqıǵanyń Qazaqstanda bolǵanyn anyqtap, Wibo.com áleýmettik jelisinde resmı túsinikteme bergen.
Eske salaıyq, vıdeo Instagram áleýmettik jelisinde taraǵan bolatyn. Kadrda áıel dıvanda otyryp, jasqa tolmaǵan náresteni aıaýsyz shapalaqtap jatqany anyq kórinedi. Ol «aýzyńdy jap» dep aıǵaılap, balany basynan, betinen aıaýsyz urady. Keıin QR ІІM memlekettik til jáne aqparat departamentiniń dırektory Almas Sádýbaev áıeldiń jeke basy anyqtalǵandyǵyn habarlaǵan bolatyn. Kúdikti Ózbekstannan tabyldy.
