Sábıin kóterip jalańash kóshe kezgen áıel aýrýhanaǵa jatqyzyldy
ÓSKEMEN. QazAqparat – Óskemen qalasynda qolyna sábıin alyp, jalańash kóshe kezgen áıel psıhıkalyq densaýlyq ortalyǵyna jatqyzyldy, dep habarlaıdy QazAqparat tilshisi.
Esterińizge sala ketsek, qyrkúıek aıynyń sońynda Óskemendegi Gagarın býlvarynda 33 jastaǵy jalańash áıeldiń alty aılyq sábıimen ketip bara jatqany jaıly vıdeo taraǵan bolatyn.
Áıel adam polıtseılerge mán-jaıdy túsindirmedi. Tipti óziniń kim ekenin aıta almaǵan. Tártip saqshylary 1987 jylǵy qala turǵynyn psıhıkalyq densaýlyq ortalyǵyna jetkizdi.
«Qazirgi ýaqytta áıel adam atalǵan medıtsınalyq mekemege jatqyzylǵan. Al sábı ákesiniń qolynda», - deıdi ShQO polıtsııa departamenti baspasóz qyzmetiniń basshysy Áıgerim Nurǵazına.
