Sábıin qoqysqa tastaǵan kókek anaǵa izdeý jarııalandy
PAVLODAR. QazAqparat - Polıtseıler sábıin qoqysqa tastap ketken anany tek Pavlodar qalasynda ǵana emes, oblystaǵy barlyq aýyldyq aýdandar men qalalarda izdep jatyr, dep habarlaıdy «QazAqparat» HAA tilshisi.
«Tastandy balaǵa qatysty sotqa deıingi tergeý jumystary bastalyp, tergeý-jedel izdestirý is-sharalary júrgizilip jatyr. Іzdeý jumystary tek oblys ortalyǵynda emes, barlyq qalalar men aýdandarda júrgizilýde», - dedi jýrnalısterge Pavlodar oblystyq ishki ister departamentiniń baspasóz hatshysy Baıan Maǵzumova.
Eske sala keteıik, Pavlodar qalasyndaǵy qoqys jáshiginen jańa týǵan náreste tabylǵan edi.
Sondaı-aq, oblystyń bas dárigeri Oraz Muqashev qoqys konteınerinen tabylǵan sábıdiń densaýlyǵy týraly QazAqparat tilshisine aıtyp bergen bolatyn.
