Sábıin edenge urǵan áıel analyq quqyǵynan aıyryldy
TALDYQORǴAN. QazAqparat - Almaty oblysynyń Qarasaı aýdanyndaǵy №2 kámeletke tolmaǵandardyń isteri jónindegi mamandandyrylǵan aýdanaralyq soty Talǵar aýdanynyń bilim bólimi túsirgen talap aryzdy qanaǵattandyrdy, dep habarlaıdy QazAqparat tilshisi.
7 aılyq sábıin edenge urǵan Marına Tıýmentseva jáne onyń azamattyq nekedegi joldasy K. Ovsıannıkov ata-analyq quqyǵynan aıyryldy. Sot qaýlysyna sáıkes, M. Tıýmentseva balalary kámelettik jasqa tolǵanǵa deıin alıment tóleýge mindetteldi. ıAǵnı, ol 19.01.2018 jyldan bastap aılyq tabysynyń 1/3 bóligin aı saıyn balalarynyń jeke shotyna jiberip otyrýy tıis. Al onyń azamattyq nekedegi joldasy K. Ovsıannıkov qyzyna aı saıyn tabysynyń ¼ bóligin tólep otyrýy kerek.
Al kámelettik jasqa tolmaǵan úsh balany qamqorlyqqa alyp, olardy ornalastyrý máselesi Talǵar aýdanynyń bilim bólimine júkteldi.
Esterińizge sala keteıik, Marına Tıýmentseva 7 aılyq sábıin edenge urǵany úshin QR QK 140 baby 2 bóligi boıynsha sottalyp, oǵan 25 AEK kóleminde aıyppul salynǵan bolatyn. Artynsha Talǵar aýdanynyń bilim bólimi qatygez anany jáne onyń azamattyq nekedegi joldasyn ata-analyq quqyǵynan aıyrý týraly sotqa aryz túsirgenin buǵan deıin habarlaǵan bolatynbyz.
