Sábıin edenge soqqan áıel ata-analyq quqyǵynan aıyrylýy yqtımal
TALDYQORǴAN.QazAqparat - Almaty oblysynyń turǵyny Marına Tıýmentsevanyń isi taǵy da sotqa jetti. Bul joly Talǵar aýdandyq bilim bólimi sotqa aryzdanyp, M. Tıýmentsevany ata-analyq quqyǵynan aıyrý týraly shaǵym túsirgen, dep habarlaıdy QazAqparat tilshisi.
Almaty oblystyq soty baspasóz qyzmetiniń málimetinshe, is Qarasaı aýdanyndaǵy №2 kámeletke tolmaǵandardyń isteri jónindegi mamandandyrylǵan aýdanaralyq sotynda qaralady. Talǵar aýdanynyń bilim bólimi Marına Tıýmentsevamen birge onyń joldasyn da ata-analyq quqyǵynan aıyrýdy surap otyr. Al bul januıa Talǵar aýdanynyń ІІB jaısyz otbasy retinde tirkeýde tur.
Esterińizge sala keteıik, Marına Tıýmentsevanyń 7 aılyq sábıin edenge soqqandaǵy vıdeosy áleýmettik jelide taralyp, jurttyń jaǵasyn ustatqan edi. Balasyna aıaýsyz qatygezdik tanytqan 28 jastaǵy kelinshek QR QK 140 baby 2 bóligi boıynsha sottalyp, oǵan 25 AEK kóleminde aıyppul salynǵan bolatyn. ıAǵnı, Qarasaı aýdanyndaǵy №2 kámeletke tolmaǵandardyń isteri jónindegi mamandandyrylǵan aýdanaralyq sotynyń 25.10.2017 jyly shyǵarylǵan úkimine sáıkes ol 56 725 myń teńge aıyppul tóleýge mindettelgen.
Aıta ketý kerek, Marına Tıýmentsevanyń úsh balasy bar.
