Sábıin avtovokzalǵa tastap ketken qostanaılyq áıel Astanadan tabyldy
QOSTANAI. QazAqparat - Qostanaı avtovokzalyndaǵy ana men bala bólmesine bir jarym jasar sábıin qaldyryp ketken bezbúırek ana tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Vedomstvodan málim etkendeı, Qostanaı qalasy ІІB qyzmetkerleri balasyn avtovokzalda tastap ketken anany Astana qalasynan tapty. Jasy - 22-de.
Bul fakti boıynsha QR QK-niń 119-babymen (Qaýipti jaǵdaıda qaldyrý) qylmystyq is qozǵaldy.
Eske salsaq, 17 maýsymda keshki saǵat 20.30 shamasynda «102» pýltine avtovokzaldaǵy ana men bala bólmesinde sábıdiń jalǵyz jatqany týraly aqparat túsken bolatyn. Oqıǵa ornyna ıývenaldy polıtsııa jáne jedel qyzmet mamandary attandy.
Sábıdi ǵımarat kúzetshileri baıqaǵan. Qazir ol Qostanaıdaǵy "Delfın" balalar úıinde.
