Sábı úshin dastarqan basy - dúnıetaný sabaǵy
ASTANA. 9 jeltoqsan. QazAqparat - Balanyń tamaqpen oınaýy - onyń jaqsy damyp kele jatqany. Aıova ýnıversıtetiniń mamandary dastarqan basyn bala úshin dúnıetaný sabaǵymen parapar qoıady.
Ǵalymdar týǵanyna 16 aı bolǵan sábılerdiń is-áreketin uzaq ýaqyt baqylaǵan, dep jazady «Alash aınasy» basylymy. Tájirıbe barysynda dastarqan basyndaǵy balalarǵa 14 suıyq taǵam kórsetilip, olardyń ataýy aıtylǵan. Kúndelikti daǵdynyń nátıjesinde búldirshinder suıyq taǵamdardy kórgende úırenshikti sózderdi dybystaýǵa tyrysatyndy shyǵarady. Tipti álgi zattardy qatty forma túrinde kórsetkende de, olardyń ataýyn shatastyrmaıtyn bolǵan. «Balanyń dastarqan basynda tamaqty ezgilep oınaýy - onyń qalypty damyp, dúnıeni tanı bastaǵany», - deıdi amerıkalyq mamandar.
