Sábı ólimin jasyrý oqıǵasy: Taǵy 5 fakti anyqtaldy

NUR-SULTAN, QazAqparat - Atyraýdaǵy sábı óliminen keıin medıtsınalyq uıymdarǵa júrgizilgen tekserý nátıjesi jarııalandy, dep habarlaıdy QazAqparat tilshisi.

«Saraptama nátıjesinde sábılerdiń tiri týyp, ómiriniń alǵashqy jeti kúninde shetinep ketkeni anyqtaldy. Buǵan deıin 277 jaǵdaı anyqtalǵanyn aıtqanbyz, biraq qosymsha materıaldardy teksere kele osyndaı 282 jaǵdaı tirkelgeni belgili boldy», - deıdi QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lıýdmıla Bıýrabekova Ortalyq kommýnıkatsııalar qyzmetinde ótken brıfıngte.

Onyń aıtýynsha, sábıler tiri týǵanmen, ártúrli jaǵdaılarǵa baılanysty alǵashqy jeti kún ishinde shetinep ketken.

«Bul sábıler shynymen tiri týǵan, biraq alǵashqy jeti kún ishinde týa bitti júrek aqaýy jáne basqa sebepterden shetinep ketken. Bul sandar bala ólimi kórsetkishine áser etedi», - deıdi ol.

Eske salsaq, Sybaılas jemqorlyqqa qarsy qyzmet jańa týǵan sábıdiń ólimine, sondaı-aq, jemqorlyq qylmystar boıynsha kúdikti Atyraý oblystyq perzenthanasynyń bas dárigerine qatysty istiń mán-jaıyn baıandady.

Atyraý oblysyna QR Densaýlyq saqtaý vıtse-mınıstri bastaǵan respýblıkalyq densaýlyq saqtaý uıymdarynyń mamandary keldi. Olar oblystyq perınataldyq ortalyqtyń dárigerlerine kómek kórsetedi.