Sábı densaýlyǵyn júktilik kezeńinen bastap kútý kerek - dáriger-pedıatrlardyń pikiri
ALMATY. 24 aqpan. QazAqparat /Áıgerim Ámir/ - Sábı densaýlyǵyn júktilik kezeńinen bastap kútý kerek.
Búgin bul týraly Almatyda Nestle kompanııasynyń uıymdastyrýymen ótken «Jas ata-analarǵa arnalǵan klýb» májilisinde aıtyldy. Ondaǵy taqyryp «Immýnıtet - náreste densaýlyǵynyń qorǵany: júktilik kezeńinen sábıdiń 3 jasqa deıingi aǵzasyn qalaı nyǵaıtý kerek» degen másele boldy.
Uıymdastyrýshylardyń aıtýynsha, atalmysh klýbtyń maqsaty - bolashaq jáne jas ata-analar úshin aqparattyq-bilimı bazany qalyptastyrý bolyp tabylady.
Dáriger-pedıatrlar sábı densaýlyǵyn ishte jatqan kezden bastap kútý kerektigin aıtady. Tek sonda ǵana ómirge deni saý, myqty balalar keledi. Onymen qosa bala ósý barysynda kóp aýyrmaıtyn bolady, deıdi olar.
Kezdesý kezinde jas jáne bolashaq ata-analar bala ımmýnıtetin nyǵaıtýda eki topqa bólinetin ádis jaıly aqparat aldy. Olar áleýmettik jáne farmatroptyq. Áleýmettik ádiske jaqsy tamaqtandyrýdyń jolyn anyqtaý, balaǵa jaqsy qaraý (bólmedegi temperatýra men ylǵaldy baqylaý), úıdegi jaıly psıhologııalyq atmosferany saqtaý jatady. Al, egý men ártúrli ımmýnıtetti kóterýdegi dári-dármekter toby farmatroptyq ádiske jatatyny aıtyldy.
«Durys tamaqtandyrýdyń basty joly kóp turyp qalmaǵan azyq-túlik, sondaı-aq, ár túrli dárýmender emes», deıdi Nestle kompanııasynyń ókili, balalardy tamaqtandyrý jónindegi maman Tımýr Koschınskıı. - Eń bastysy tegi, ana súti, sodan keıin ǵana tamaq ishý ádisin oılaý kerek. Ásirese, balalardyń óz jasyna arnalǵan botqalardy kóp qoldaný kerek. Sebebi, onda 2 jasqa deıingi sábılerge paıdaly ár túrli qospalar bar ekendigin basa aıtty.
«Nestle kompanııasy bolashaq ata analar úshin bilimderin tolyqtyrý maqsatyndaǵy sharalardy uıymdastyrý qanshalyqty mańyzdy ekenin jaqsy túsinedi. Qazaqstanda salaýatty ult qalyptastyrý úshin qolǵa alynyp otyrǵan telearnalardaǵy baǵdarlamalar, otandyq jáne Reseıden shaqyrylǵan balalar dárigerleriniń qatysýymen ótetin dóńgelek ústelder men konferentsııalar óz septigin tıgizedi degen senimdemiz», - deıdi Orta Azııa jáne Ázerbaıjandaǵy Nestle Nutrition-nyń Qazaqstandaǵy basshysy Dárııa Aımuhanova.
Sharaǵa medıtsına salasyndaǵy bilikti mamandar men balalar dárigerleri qatysyty. Olar jas-atanalarǵa kerekti keńester berip, bolashaq analar ózderin tolǵandyryp júrgen suraqtaryna jaýaptar aldy.
