Sabannan jasalǵan tıin art-ınstallıatsııasy alynyp tastaldy
ALMATY. QazAqparat - Almaty oblysynda sabannan turǵyzylǵan tıinnyń art-ınstalıatsııa buzylyp jatyr, dep habarlaıdy QazAqparat tilshisi.
Búgin birqatar BAQ ta belgisiz bireýler tıindi súrip tastady degen aqparat taratqan.
«Qaskeleń» agorparkiniń mamany Rınat Fazylbekovtiń aıtýynsha, art-ınstallıatsııany jasaýshylardyń ózderi buzǵan.
«Aýa raıynyń qubylýyna baılanysty tıindi biz ózimiz alyp tastadyq. Sebebi, art-ınstalıatsııa estetıkalyq kelbetin joǵalta bastady. Bəlkim marketıng maqsatynda taǵy bir ınstallıatsııa oılap tabarmyz. Negizi ony biz bir kúnge ǵana arnap jasaǵanbyz. Installıatsııa 1 aı turdy. Jel soqqan saıyn tıinniń shópteri usha bastady. Biz muny agroparkke eldiń nazaryn aýdarý úshin júzege asyrdyq»,- dedi Rınat Fazylbekov.
Onyń aıtýynsha, Funk agenttiginiń ókili Maıra Izmaılovanyń tarapynan narazylyq pikiri bolmaǵan.
Agropark negizinen ózi shyǵaryp jatqan ónimderine qoǵam nazaryn aýdartpaq bolǵan.
Eske sala keteıik, Almaty oblysynda saban shópten jasalǵan tıin paıda bolǵany týraly jazǵan bolatynbyz. Ony salýǵa eshqandaı qarjy jumsalǵan joq.
