Sabaqty 07.40-ta bastaǵan mektepti prokýratýraǵa habarlaý kerek - vıtse-mınıstr
ASTANA. QazAqparat - QR Bilim jəne ǵylym vıtse-mınıstri Tahır Balyqbaev Astana qalasy boıynsha sabaqty saǵat 07.40-ta bastaǵan mektepter týraly mınıstrlik pen qalalyq prokýratýraǵa habarlaý kerektigin aıtty.
«Buǵan Úkimettiń qaýlysy, sabaq ýaqytyna qatysty arnaıy standarttar bar jəne bul məselege baılanysty prokýratýra da óz ustanymyn aıtty. Sondyqtan, qalada sabaq ýaqytyn saǵat 07.40-ta bastaý týraly məseleni qaraý úshin jumys toby qurylǵan da joq. ıAǵnı, barlyq mektepter sabaqty burynǵydaı saǵat 08.00-de bastaıdy»,-degen vıtse-mınıstr eger qalada sabaq ýaqytyn 07.40-qa aýystyrǵan mektepter bolsa, bul týraly mınıstrlik pen prokýratýraǵa habar berý kerektigin aıtty.
«Eger de osyndaı faktiler kezdesse, bizge jəne prokýratýraǵa habarlasyńyzdar. Biz tıisti shara qoldanamyz»,-dedi vıtse-mınıstr. Jýrnalısterdiń 76-shy bala baqshanyń bastalýy saǵat 07.40-qa aýystyrylypty degen saýalyna ol məseleni anyqtaıtynyn aıtty. Esterińizde bolsa, jýyrda qala əkimdigi tańerteńgi kólik keptelisin azaıtý úshin mektepterdegi sabaqty tańǵy 07.40-tan bastaý týraly bastama aıtqan bolatyn. Buǵan ata-analar tarapynan narazylyq týǵan edi.
