Sabaqtan tys sport úıirmesin júrgizgen pedagogke 100 paıyz ústemeaqy tólenedi

NUR-SULTAN. QazAqparat – Sabaqtan tys sport úıirmesin júrgizgen pedagogke 100 paıyz qosymsha aqy tólenedi. Bul týraly QR Mádenıet jánesport vıtse-mınıstri Nurqısa Dáýeshov aıtty, dep habarlaıdy QazAqparat tilshisi.

«Sondaı-aq, Joldaýda muǵalimderdiń ál-aýqatyn arttyrýǵa jáne 2021 jylǵy 1 qańtardan bastap olardyń jalaqysyn 25 paıyzǵa arttyrýǵa nazar aýdaryldy. Bul baǵytta mınıstrlik tıisti jumystar júrgizip jatqanyn atap ótkim keledi. Máselen, 2020 jylǵy 1 qańtardan bastap mádenıet jáne sport salasyndaǵy mamandandyrylǵan mektepter men kolledjder qyzmetkerleriniń jalaqysy 2023 jylǵa deıin jyl saıyn 25 paıyzǵa ulǵaıatyn bolady»,-dedi mınıstr Úkimet úıinde ótken baspasóz máslıhatynda.

Onyń aıtýynsha, búginde QR Parlamenti Májilisinde buqaralyq sportty damytýǵa baǵyttalǵan zań jobasy qarastyrylyp jatyr.

Qujattyń aıasynda memlekettik bilim uıymdarynyń pedagogtaryna sabaqtan tys sport sabaqtaryn júrgizgeni úshin bazalyq laýazymdyq jalaqydan 100 paıyz mólsherinde qosymsha aqy engizý máselesi pysyqtalýda.

«Memleket basshysynyń Joldaýynda atalyp ótken strategııalyq baǵdarlardy sapaly jáne ýaqytyly oryndaý úshin mınıstrlik tarapynan barlyq tıisti sharalarar qabyldanatyn bolady», - dedi ol.