Sabaq ústinde oqýshyny urǵan muǵalimge qandaı shara qoldanyldy
ASTANA. KAZINFORM – Synypta pedagogtiń shákirtine balaǵat sóz aıtyp, qol kótergen vıdeosy jelide taraǵan edi.
Oqıǵa elorda mektepteriniń birinde bolǵan. Qalalyq Bilim basqarmasynyń baspasóz qyzmeti bul jaıtqa qatysty túsinikteme berdi.
Vedomstvonyń málimdeýinshe, atalǵan faktige baılanysty qyzmettik tekseris júrgizilgen.
– QR Eńbek kodeksiniń 52-baby, 1-tarmaǵy, 14-tarmaqshasyna saı, ıaǵnı «Tárbıeleý fýnktsııalaryn atqaratyn jumysker osy jumysyn jalǵastyrýmen syıyspaıtyn, moralǵa qaıshy qylyqtar jasaǵan» normasyna baılanysty pedagog jumystan bosatyldy, - delingen habarlamada.
Sondaı-aq mektep dırektory men onyń orynbasaryna resmı túrde tártiptik jaza qoldanyldy.
Eske sala keteıik, buǵan deıin Aqtóbede samokatty jalǵa berý bıznesin uıymdastyrǵan muǵalim sottalǵanyn habarlaǵan edik.
