Saakashvılıdiń ushaǵy synyp, Býhareste shuǵyl qonýǵa májbúr boldy
ASTANA. 19 qazan. QazAqparat - Grýzııa Prezıdenti Mıhaıl Saakashvılıdiń ushaǵy shassıdiń buzylýynan Býharestiń áýejaıyna shuǵyl túrde qondy.
Bul týraly prezıdenttiń ákimshiligine silteme jasap Reseı Jańalyqtary habarlady.
«Grýzııa Prezıdenti Mıhaıl Saakashvılı josparlanǵan ýaqytta Rýmynııadan Grýzııaǵa orala almady. Naqtylap aıtqanda, ushaq kókke kóterilgennen keıingi 10 mınýttan soń Býharestiń áýejaıyna jedel qoný júzege asyryldy. Sebep tehnıkalyq aqaýlyq, atap aıtqanda, shassımen problema boldy», - delingen prezıdent ákimshiliginiń habarlamasynda.
«Rýstavı-2» telekompanııasynyń málimetinshe, prezıdenttiń Boieng-i Otopen áýejaıynan ushyp shyqty. Qaıta oralý týraly sheshimdi ushaqtyń pılottary qabyldady. Býharestke oralǵannan keıin Saakashvılı Eýropalyq halyq partııasynyń kongresi ótýi kezinde toqtaǵan qonaqúıge qaıta bardy.
